Hallo mitenand

 

Wie vellicht die einte oder andere mitbecho haend, isch de Flug vo de Nici und de Bea cancelled worde. Anstatt dass sie denn in San Diego glandet sind, sind sie ein Tag spaeter in Los Angeles acho. Mer haend denn grad euise Trip in Agriff gno und sind de ganzi Nomittag und bis zobe am 10i oder so dur LA (was 4 Stund brucht het) und in Mojave Desert durgfahre. Dert haend mer euis denn en Lodge gno und sind in tuefe Schlof gheit.

 

Am Tag 2 sind mer dur Needles nach Laughlin gfahre. Wunderschoen isch das Little VEGAS! Mer haend dert am River de Dani und sini Froendin troffe und mit ihne denn au es Hotelzimmer imene Dampfschiffhotel teilt. P.S.: Ich han ufem Bode gschlofe :-) Little Vegas isch am Obig mega schoen gsi und de Nomittag am River bi 43 Grad Celcius haend mer so richtig gnosse.

 

Guet vorbereitet uf dHitz in Las Vegas sind mer am 3. Tag i de Liechterstadt acho. Mer haend dWelt noem verstande, als mer dor Downtwon und de Strip gfahre sind. Nach enere chorze abchuehlig im Pool sind mer vor Stuune fascht usem Fenschter usegheit. LAS VEGAS by night isch eifach hammergeil!

 

Tag 4 isch sehr schnell verbi gange. Haend de Nomittag im chuehle Shopping Center verbrocht und sind denn am Obig as Stomp! Genial! Me chan mer do derzu gar nid saege. Mer muess das gseh ha!

 

Mer waeret gern no anderi Shows go aluege, aber Ziit isch euis eifach leider dervo gloffe. Mer haend chum Ziit gha zum Gamble. Und zum Glueck haend mer sie euis doch no gno... Denn... dNici het 500 Dollar mit 10 Dollar Isatz gwunne. Unbelievable!

 

Obwohl mer 2mal zum Treasure Island Hotel foere gloffe sind, haend mer 2mal en canzelled Show vor dNase becho. Mega schad, waeri sicher cool gsi. Und wenn ich weder mal nach Vegas gange oder soescht dMoeglichkeit han "cirque du soleil, mysthere" zgseh, wird ich die Chance packe. Han so vell Werbig, aber ebe, leider kei Ziit zums go luege.

 

Uebermuedet sind mer am Morge am 2 oder so im Bett glandet. dNici 500 Dollar richer, dBea und ich um es paar Traene aermer (vom Lache). Ich saege nome:

 

Er het gseit ich bruche Brille zum id Wiiti luege. Und sie het denn gseit, ich sell sie immer alegge.... Ich legge sie immer a zum zNacht Auto fahre (Fazit Nicole Frei, morgens 2 Uhr, nach einem Gewinn von 500 Dollar.... da darf man ein bisschen doof sein :-))

 

oder:

 

Milkynutellaway! (De Bock het natuerlich dJasmin gschosse) *groel*

 

De Tag 5 het denn nid eso welle wie mer haend welle. Als erschts het dNici dCharte vernoschet wo wichtig gsi waer ueberhaupt us Las Vegas usezcho und denn haend mer no erfahre, dass mer 4 neui Pneu bruuchet. Nachdem mer groehlend en Stund im Starbucks verbrocht haend (Fotos folgen), sind mer um 500 Dollar aermer gsi...(Kosten Pneu).

 

Aber ich bin dervo ueberzoge, das alles haet eso muesse sii. Mer sind amene Fuer wo glaub grad eso endlich verbi gsi isch verbi cho. Mer haend Red Rocks gseh und mer sind ohni Komplikatione oder platzte Reife durs Death Valley cho.

 

Und well mer hoet so en super Tag mit sehr vell Lache und Traene verguesse gha haend, ich 6 Stund nonstop Auto gfahre bin, han ich gfunde, ich muessi das jetzt glich niederschriebe. Es goht soescht vergaesse. Denn Ziit zum i mis Diary inezschriebe, wird ich glaub uf dem Road Trip definitiv zwenig ha :-)

 

Ich hoffe, ihr wo das laeset, falls ueberhaupt irgendoeper mini Siite lisst, haend genau so vell Spass am Laese gha, wie ich am Schriebe.

 

Chris: Danke vell vell mal foer dis Mail. Du hesch recht. Mit Froendinne en Road Trip zundernaeh, chan Chritz gaeh. Aber mer haend jetzt scho, nach erscht 5 Taeg, scho velli Problemlis muesse meischtere. Und es het au knischteret, aber mer haends packt. Und denn au droeber glachet. Und das macht mer mega Freud.

 

Ich hoffe, de Road Trip vertueft eusi Froendschaft no meh...

 

Frederic: Danke vell vell mol foer dis Telefon. Han super Freud gha. Au wenn du denn usegheit bisch. Ich freu mich uf dich.

 

Sunshine: See you soon!

 

Dani und Kathrin: Es isch so geil gsi mit euich in Laughlin. Hans richtig gnosse. Und ich freue mich, euich im Yosemite Park weder zgseh.

 

Ajo... fascht vergaesse. Ich han imene River zmitts i der Wueschti badet. Das isch eifach unbeschrieblich gsi.

 

Und hoet under em Sternehimmel in Pool ineghuepft und es Sprudelbad gno :-)

 

Papi: Mit euis isch alles supi. Mer meisteret das, hehe. Miss you!